Irailaren 27an, asteartean, prentsaurreko baten bidez aurkeztu zen “Ondarea loratuz, gozatu! Ondare jasangarria» lelopean aurtengo Ondarearen Europako Jardunaldiak Gipuzkoan.

Lurraldeko jardunaldiek 122 ekitaldi baino gehiago eskainiko dituzte aurten  33 herritan. Edizio honetako leloak dioen bezala, eskainiko diren jarduerek ondarearen iraunkortasunean jarriko dute arreta.

Ekitaldiak iraila, urria eta azaroa bitartean egingo dira, eta Gipuzkoako ondareak duen garrantzia jasangarritasunaren ikuspegitik. Landuko diren gaiak askotarikoak dira: paisaia naturala, moda, tradizioak, arrantza, musika, kosmetika, gastronomia. Eskaintzen diren ekitaldi motak honako hauek dira: kontzertuak, erakustaldiak, bisita komentatuak, tailerrak, hitzaldiak, online jarduerak.

Parte-hartzaileek gure lurraldeko natura-ondarea esploratu ahal izango dute aipatutako bisitaldi dinamikoen bidez, gure iraganeko praktika jasangarriak ezagutu ahal izango dituzte eta Europako Ondarearen ateak modu paregabean irekitzen dituzten lekuak ezagutu ahal izango dituzte.